父子首同場 創感動歷史
占士 布朗尼拍住上
期待已久，開創NBA歷史一刻，史上首次父子同場攜手作賽在昨晨終於出現！被譽為籃球史上最偉大球員之一的勒邦占士，昨晨與剛度過20歲生日的兒子布朗尼，齊齊在湖人的季前賽作客太陽之戰中披甲，雖然「紫金兵團」最終以114:118敗陣而歸，但這位廿四孝慈父仍感觸表示：「我諗呢個係作為父親最渴望嘅時刻，代表住一切！」
已經39歲的「大帝」占士，來到個人職業生涯第22個球季，仍未有任何退下來的跡象，近年他多次公開表示期待着在NBA賽場與大兒子布朗尼同場作賽的夢想，結果今年夏天，只完成了一年大學課程的布朗尼宣布提前參加選秀，而湖人亦在事先張揚及警告同業布朗尼只會為「紫金兵團」効力情況下，最終以次輪第55選將他選上。
父親勒邦經過暑假在巴黎奧運贏得金牌後，上周五在湖人新季首場季前賽缺陣，而布朗尼已率先登場熱身出戰木狼，這位湖人「太子」全場上陣16分鐘6射1中，進攻發揮一般，但全場交出3次封阻，在防守上發揮水平。
到昨仗對太陽之戰，勒邦出任正選，到次節布朗尼換入登場，終實現了父子同場的歷史一刻，二人合作了4分09秒，互動鏡頭包括二人合力防守，布朗尼被指違規阻擋，有父親勒邦出頭代為投訴，然後另一幕是勒邦傳予布朗尼投射三分，可惜未能命中目標。最終勒邦全場交出19分5籃板4助攻，布朗尼則是1投0中0分及4失誤，表現一般。
勒邦：身為父親最偉大一刻
勒邦賽後感觸地說：「作為爸爸，已經代表一切喇！可以對個囝成長有重要影響，可以同佢一齊經歷重要時刻，而最終更一齊工作，呢個係身為爸爸嘅我，經歷最偉大嘅事。」「大帝」透露球隊新帥列迪克賽前已告訴他，將會安排父子二人同時落場，但未有透露上陣時間。
列迪克說：「我只係想喺季前賽畀機會佢哋一齊打吓，能夠參與其中，我都好興奮。呢一切說明勒邦運動生涯嘅持久性，嚟到職業生涯第22年都有比賽體能；同時亦說明咗布朗尼為咗嚟到呢一刻嘅努力，一切都充滿父親嘅愛。」布朗尼則強調在場外總會想着勒邦是他父親，但在比賽中則只會視他為隊友。值得一提，列迪克與球隊另一主力安東尼戴維斯也大讚布朗尼在防守表現，認同他的發揮。
