愛與太太互損 樂在其中 關楚耀自爆婚後失寵
關楚耀（Kelvin）去年11月與網紅空姐Joann註冊結婚，大嘆成為人夫後在家中「失寵」地位「不保」，對於太太的妝容被網民抨擊，Kelvin直言最驚冇人講，更多謝網民幫他們提高流量。Kelvin談到太太即笑不攏嘴，自揭愛與Joann互窒互寸，樂在其中。 ●採、攝：香港文匯報記者 梁靜儀 ●場地：金紫荊生記粵菜廳
近年主力拍電視劇的Kelvin，每次的演出都令人留下深刻印象，繼《法證先鋒V》的恐怖情人後，在最近播畢的《法證先鋒VI：倖存者的救贖》中，一改變態演出，飾演靚仔醫生冼陽，大獲好評。
為Joann護航無懼被彈
事業發展不俗，Kelvin的感情生活更是得意，去年11月與網紅空姐Joann註冊結婚，今年5月二人在布吉島舉行婚宴，Joann當日的妝容更被網民抨擊似鬼新娘，Kelvin就為太太護航，指當日都是一個正常的妝容，又指可能是放上網的片段，自動濾鏡化了。愛人被彈，Kelvin並未因此而動肝火，反而從另一個角度去睇事件：「結婚都係我哋兩個嘅事，大家嘅評論亦都幫到我哋流量，𠵱家呢個世代，最驚係冇人講，呢啲評論可以講一世，可能過幾年我會攞嚟笑佢（太太）。」
以前是情場浪子的Kelvin，成為人夫後，他感覺整個人都很不一樣，更叫未結婚的朋友一定要舉行婚禮。結婚接近一年，Kelvin談到太太即笑不攏嘴，幸福得連旁人都感染，又大方透露與太太的相處之道，就是互窒互寸，就以影相為例：「我有時幫太太影相，佢總係唔滿意，可能佢覺得我捉唔到個feel，我明白男朋友或老公影相，另一半一定會彈，但如果係朋友影同樣的角度或風景就OK，以前會有啲忟，話晒我都係攝影師，但𠵱家我就唔出聲，反而幫拍檔蔡潔影相冇咁多要求。」雖然被太太嫌棄攝影技術，但Kelvin照單全收，更嘴角帶笑說：「我唔係被虐狂，我就係鍾意佢彈我，我就係鍾意佢話我，話我都係想我好，最驚有一日佢唔話我咁就慘喇。」
想當爸爸擬明年生B
Kelvin又自爆婚後在家中的地位「失寵」，像前兩年疫情期間，他很多時間在內地工作，試過半年才回港一次，而Joann就會在大時大節主動約他的父母飲茶食飯，妹妹有事也會找大嫂溝通，雖然「失寵」，但他慶幸沒有「婆媳問題」。作為長子，問到Kelvin可有傳宗接代的壓力？他直言父母沒有催生B，但自己都想做爸爸：「計劃明年才生B，暫時打算生一個先，以前鍾意生女，𠵱家見到姪仔好精靈，都有加速生B的念頭，因為生B令人生更加圓滿，不過今年過二人世界先，同埋同太太補度蜜月。」Kelvin稱契爺譚詠麟對他近年的演出都有留意，認為他適合演戲，而早前他又為契爺的澳洲悉尼演唱會做演出嘉賓，是次是兩人相隔14年後再同台演唱，心情緊張又興奮。
盼同張天賦合唱
Kelvin 承認為人老公後責任重大，對工作有更大動力。入行18年，遇過高低潮的Kelvin，已不再是當年的「大喊包」，不單有自家服裝品牌，又成立了個人音樂品牌，今年目標續推出新歌，並會多投放時間在香港樂壇，他承認近年本地樂壇的競爭比以前大很多，尤其是很多歌手都唱得很好，如張天賦、湯令山在音樂上都有自己的風格，覺得是好事，有時自己都會翻唱他們的歌：「呢幾年我喺直播間唱歌多，係一個好好練習嘅地方，有時網民會點唱其他歌手嘅歌，如果唔識嘅我會去學，網民乜嘢評論都有，我最開心嘅係睇到仍有粉絲期待我唱歌，呢個係好感恩。」近年不少新舊兩代歌手合唱，出來的反應都很好，Kelvin特別想跟張天賦合作，因聽過對方翻唱其舊作《饑餓遊戲》。
