悶蛋專家 柏林聯「細」纏多蒙特
上輪9場德甲又產生35個入球，這個聯賽向來都入球多產，黑柴推介大約有五成揀大盤或半場大，然後才揀上下盤或其他項目，絕少揀細盤。不過自今年年初起，柏林聯卻成為唯一例外，一直是黑柴的「細盤銀行隊」，即使賽前未有推介，臨場總會記得例注，亦總是贏多輸少！明晚柏林聯主場對多蒙特，再追[2.5/3]細盤。（NOW 638台周六9:30pm直播）
柏林聯今年初撬得賀芬咸防線領袖奇雲禾治來投，立即穩定防線，令球隊上季下半季的失球數字大減。球隊今季再聘來「悶蛋專家」保史雲遜執教，這位前緬恩斯成功教頭，以紀律及嚴密防守部署見稱，由於球隊本身攻力弱，為阻止對手入波無所不用其極，務求殺死比賽，經常令雙方禁區範圍都「無事發生」。今季德甲5戰共入4球失3球，除贏「大盤王」賀芬咸2:1外，其餘5場正式賽事全開細盤；多蒙特過去一周先後大炒波琴及些路迪共入11球，但都在強項主場遇弱旅。明晚舟車勞頓到訪柏林聯，好難再多波入，事實上兩軍近兩次碰頭亦全開細盤。
