陳凱琳讚老公言出必行
陳凱琳（Grace）昨日以品牌大使身份出席發布會，分享保養心得。作為三子之母的她稱陪小朋友玩就是保持心態年輕的方法，飲食則注重新鮮和有營養，並少吃甜品及有防腐劑成分的食品。提到日前她在一個早上行了兩次山，她笑言：「因為行山前一晚同大仔講過，佢話要一齊行，但以為佢講笑。點知第二日行完山返屋企，發現佢準備就緒，為免令佢失望，立即再行一次，我仲俾老公鄭嘉穎話『應承咗小朋友嘅事一定要兌現承諾』。」
問到鄭嘉穎對小朋友是否言出必行？她說：「佢係講得出做得到。（咁多年都係？）真係冇見過佢畀假承諾，唔通有啲事係記者知而我唔知？哈哈。」她透露建議老公做導演，因她經常拍片，老公都會給予意見。
