君如自薦合唱 MC唔敢應承
出動私伙衫撐香港電影
吳君如與張天賦（MC）前晚出席主演電影首映禮，君如笑言希望將來有機會當MC的演唱會嘉賓，MC初時表示很期待，但當被要求勾手指尾兌現承諾時，他竟稱要跟經理人商量，君如即扮嬲表示：「係咪嫌棄我？」之後MC解釋：「我驚你唱得好過我！」不過君如當然唔信，繼續「追擊」MC，非常搞笑！
吳君如、張天賦（MC）與蔣祖曼等前晚到沙田出席電影《我談的那場戀愛》首映禮。君如透露飾演非常有錢的婦科醫生，因太寂寞玩交友App，結果被騙過百萬美元：「我真心畀嗰位法國工程師呃，若然知道原來係MC，再畀佢呃多啲錢都冇問題，哈哈！」問二人繼合作電影後，下次會否合唱？MC笑言要問君如意見，君如即說：「首先要問我係咪五音不全，其實我要求下次MC舉行個人演唱會，請我做特別嘉賓合唱呢套戲嘅主題曲。」MC說：「此話當真？期待呢個畫面。」當司儀要求二人勾手指尾兌現承諾，MC卻反口稱要再商量，君如說：「係咪嫌棄我？唔怪得你入到詐騙集團！」
二人受訪時，問MC是否不給面子君如？君如搶答：「我幾開心呀，心諗喺演唱會同佢合唱，但佢就話要問經理人，我懷疑你驚我唱衰嗰場演唱會！」MC解釋：「我驚你唱得好過我！」君如反駁：「若果唱得好過你，我做咗歌手啦，我係一個唔成功嘅歌星，哈哈！」
蔣祖曼撐無綫加薪合理
提到君如之前接受鄭裕玲訪問，自爆當年無綫加薪很少，問她擔不擔心無綫嬲？她說：「我講嘅係嗰個年代，唔係依家。我有返去主持《星星同學會》，但劇就唔拍嘞。」對於監製及導演表示拍這部戲資金有限，問她是否貼錢拍戲？她說：「佢哋問我有冇服裝同袋可以拎出嚟，我攞咗啲出嚟，佢哋用咗我部分衫，之後巧妙創造咗一個角色。我希望呢套戲大收，咁我哋就有分紅。（片酬好少？）係遷就價，可以話為咗支持香港電影。」至於MC是否收足片酬？他表示要問公司才知道，自己未去到可以談薪酬的資格。
蔣祖曼於片中飾演懷孕女警，笑言早前拍劇才演過懷孕模特兒，和大肚婆角色很有緣。對於前輩君如爆無綫當年加薪少，她即為公司平反：「前輩係好多年前嘅事，無綫加薪人人唔同，我人工還可以啦，但加幾多就唔講得，係商業秘密，總之夠生活，唔使貼錢拍劇。」她續指自己曾拍電影，但當年多數接拍獨立電影，反而收入不高，要做兼職維持生計，做過外賣員及知客等。
