梁洛施被兒子催拍拖 唔抗拒再婚
梁洛施昨日以代言人身份出席醫美旗艦店開幕活動，身形和皮膚極佳的她分享保養心得，平日不用拍戲會早睡早起，又會注意飲食及勤做運動。她表示雖然崇尚天然，不過也要為皮膚做保濕及敷面膜。提到3個兒子踏入14歲及15歲的青春期，她表示很開心與兒子關係良好。問到兒子們有否跟她談「女仔經」？她笑言沒有，不過有向兒子們灌輸性教育知識。
梁洛施說：「3個仔都鍾意運動，成日打羽毛球、籃球、足球同玩帆船，反而覺得女仔好煩，對運動嘅興趣多過異性。」問她有否追求者或考慮再婚？她說：「我唔抗拒任何事，Never say never，因為世事難料，不過我比較隨心，一切順其自然。（將來對象要過3個仔呢一關？）仲要過埋我媽媽嗰關呀！其實3個仔都有催我拍拖，我知佢哋關心我，但我都係順其自然，總之依家生活好開心。」談到工作，她透露年初拍完一部電影，預計明年上映，稍後忙於宣傳：「我都希望多啲工作，但只係依家市道欠佳。」
