張智霖投入裝修 唔聽靚靚意見
張智霖（Chilam）和太太袁詠儀（靚靚）昨日以代言人身份，出席健康食品的25周年活動及進行剪綵儀式。提到兩公婆均快將迎來53歲，問Chilam是否繼續送名牌包包給靚靚作生日禮物？他表示家居裝修已進行一年，希望年底完成，故今年不送包包。
他得戚表示獲老婆讚有潛質做室內設計師，靚靚即說：「呢位係『矇查查Designer』，因為裝修方面佢好煩。」Chilam解釋：「因為我太投入同奄尖，但又覺得有樂趣，對全方位嘅裝修都好緊張，所以好大壓力。」問靚靚有否參與設計？她竟說：「佢係假民主！問完我但唔受理，我只求光線充足，因為要保護眼睛，但佢話鍾意有情調，唔要太多燈，所以我唔知進展點樣。」Chilam補鑊說：「我要求睡房一定要有電視，因為靚靚係超級電視迷，之前奧運完咗，佢失落咗好耐。」
