玩過龍變肥佬 戰士威爾遜重新出發
今年5月贏得了個人首個世界桌球錦標賽冠軍，令英格蘭「戰士」加蘭威爾遜進入超級興奮狀態，度過了一個瘋狂夏天，結果來到新球季狀態一度低迷，就連身體都變肥被迫訂造新馬甲作賽；可幸如今一切都已過去，加蘭威爾遜終於找回他的「戰士」鬥心，前晚他在西安桌球大獎賽64強以5:2擊敗賀國強，奮勇殺入32強，繼續力爭佳績，兼為下周沙特大師賽作準備。
踏入新球季，加蘭威爾遜先在冠軍聯賽分組賽畢業，然後在上海大師賽狂吞周躍龍6蛋出局，相當尷尬，可幸來到西安終於找回他的比賽節奏。「戰士」解釋：「作為世界冠軍，人人都預期你場場贏晒。當我喺上海輸波，返到家鄉，啲人都問我『搞乜呀』，咁真係唔掂，巡迴賽水準好高，我唔係要證明自己啲乜，只係要好似以往咁努力工作，好好準備比賽。」
加蘭威爾遜坦言：「過去幾個月真係我一生難忘，我拎個（世界賽）獎盃去到史丹福橋，又喺英國F1站去到阿士東馬田F1車隊，因為我飲啤酒太多，搞到要做過件新馬甲。」收拾心情後的他，在今次賽事狀態明顯有提升，至於其他名將如威廉斯、卓林普及奧蘇利雲等，昨日亦都順利闖關，奧蘇將在今晚16強硬撼賀辛。
