麥巴比BMV鋒線 媲美BBC
皇馬挫阿特蘭大 6奪歐超盃
全新一代「銀河艦隊」正式啟航！西甲超級班霸兼歐聯冠軍皇家馬德里，昨晨於歐洲超級盃以2:0輕取歐霸盃冠軍阿特蘭大，踏入新球季即打響頭炮奪冠而歸。新加盟皇馬的法國巨星麥巴比更取得入波，賽後揚言今季要勁入50球。更令傳媒驚喜的，是前線全新鐵三角「BMV」包括祖迪比寧咸、麥巴比與雲尼斯奧斯的組合威力勁爆，足以媲美昔日皇馬經典的「BBC」賓施馬、加里夫巴利與C朗拿度。
皇馬近年人腳變動不少，諸如名將賓施馬及卻奧斯都先後離隊或退役，但隨着新人冒起，加上收購獨具慧眼，近兩季便先後有祖迪比寧咸與麥巴比加盟，人腳再次鼎盛起來。在昨晨的歐超盃，皇馬在下半場連下兩城贏波，先在59分鐘靠雲尼斯奧斯傳中予費達歷高華維迪打開紀錄，9分鐘後再由麥巴比接應比寧咸傳中撞射得手，以2:0取勝，歷來第6次稱霸這盃賽，正式拋開宿敵巴塞隆拿（5次），獨佔歐超盃最成功隊伍之名。
主帥安察洛堤也是歷來第14次帶領皇馬奪標，追平了名帥蒙路斯的皇馬捧盃最多教頭紀錄。對於西班牙傳媒提到將「BMV」組合與經典的「BBC」作比較，「肥安」表示：「我哋成班球員尋日都傾過，其實好難去同2014年嗰隊去比較，真係好複雜，當年嗰隊有巴利、賓施馬同C朗，真係好神奇同與別不同，係條出類拔萃嘅鋒線。唯一肯定不變，係即使相隔10年，球隊嘅（頂級）質素都係冇變過。」
豪言單季要入50球
至於首次披起皇馬戰衣出戰的麥巴比，迅速與隊友建立起默契，他賽後也非常雀躍，看好球隊前景：「偉大嘅一夜，我真係等咗好耐，終於可以為呢件波衫、呢個會徽同呢班球迷去作賽。我哋每一個位置都有最好嘅球員，我好開心喺度比賽，仲好肯定會繼續改進。我哋係皇馬，冇上限㗎，如果話我可以入50球，咁就50球啦，但最緊要係團結一致去贏波。」
