洪永城自認緊張爸爸 無時無刻驚囡囡被拐
洪永城與區永權等前晚宣傳無綫全新直播綜藝節目《瞬間直擊半小時》，提到洪永城細女Beryl早前被發現右眼袋位置長了血管痣，他說：「依家穩定冇變化，粒士多啤梨痣冇發大，醫生都話冇特別變化就唔使理，如果有發大先處理，因為好多時會自動消失。」
育有兩子的區永權稱不會再讓囝囝穿孖仔裝，他解釋：「因為佢哋着孖仔裝去主題樂園，見佢哋跑來跑去，後尾先發覺原來一直只有一個跑，原來細仔走失咗，好彩其他遊客帶細仔搵職員幫忙。」洪永城聞言說：「都唔知要睇到幾多歲！見到好多拐子佬拐走小朋友嘅片，睇到我心都驚！每次工人姐姐帶囡囡出街，我都會打電話又發短訊check住，工人姐姐可能有同太太投訴我太煩。」
