陶大宇認為帶貨比演戲難
香港文匯報訊（記者 梁靜儀）陶大宇昨日以開心大使身份出席帶貨活動，他表示支持朋友之餘，亦希望大家支持香港貨品。
之前陶大宇都有做過帶貨，他笑言比演戲還難：「開live有好多學問，又要對產品有認識，好多時客人買嘢純粹係信任個主播，同埋要好小心，否則有顧客投訴，連飯碗都冇埋。」他謂平日都愛網購，主要買衣服及實體物件，問到可有試過中伏？他說：「冇試過，但有時店主唔係騙你，係衣服啲質料有差距，唔係我想像中嘅感覺。」
談到工作，大宇表示近日都是忙於為電影《紮職3》宣傳，稍後除了出席首映禮外，月中又要返內地宣傳，他謂現時流行謝票，如有需要他願意出一分力。他說：「我係電影稀客，多謝導演大膽起用我，第一二集反應咁好，我第三集至加入都有壓力，尤其對住鄭浩南，不過有人睇完話我演得好都好開心。」
至於會否再拍劇集，大宇表示隨緣，問到無綫可有找他回巢拍劇？他坦白說：「無搵我，對方都唔知有咩角色畀我做，階段唔同咗，之前都演過咁多劇，有咩新鮮感呢？人哋畀機會我都會考慮，現在始終年紀又大咗，唔同以前。我冇乜所謂，我講feel嘅，啱做嘅我馬上應承，唔啱嘅都會推。」至於感情方面，他表示都是同工作拍拖，笑言「老人家有工作就得」。
