英騷亂繼續發酵 排外情緒高漲 移英港人深感歧視 憂遲早俾班暴徒打
香港文匯報訊 英國連日來爆發的極右反移民騷亂不斷蔓延，許多移英港人深感周邊治安混亂。然而在社媒群組中，部分持英國國民（海外）護照（BNO）移英的港人急忙聲稱，騷亂僅針對難民和穆斯林，不會針對身為合法移民的移英港人。類似言論在社媒上迅速捱轟，許多移英港人強調英國排外情緒嚴重，直言騷亂繼續發酵，只會蔓延到所有移民群體。
今次討論源自匿名網民周四（8月8日）在移英港人群組發言稱，「今次（騷亂）只針對非BNO人士，唔使驚，加油！」帖文吸引超過200條回覆，移英港人William Yim稱，「我唔太認同樓主話唔會針對BNO人士，畢竟現時英國經濟環境係比較差，你永遠唔能夠估計到英國國內民情發展方向，因此時刻保持警惕係最佳應對！」
「想喊，英國仲安唔安全？」
許多移英港人坦言當地治安混亂。身處曼徹斯特的網民Wen Wen Wen稱，「噚日好多資訊話最好6點前返到屋企，我公司都cancel（取消）晒夜晚啲客，齊齊收6點。」網民Jimmy Tong訴苦稱，「想喊，英國仲安唔安全？」網民Dell Lee留言「（移英港人）一齊上街支持！」網民Match Tsang反駁，「上街俾反移民打？」
網民Thomas Nicholls似乎不以為意，「英國移民政策好有問題，不過同香港人無關。示威者只係針對黑人同穆斯林，只要避開就無事，加上香港人『出世就係英籍』，唔係移民，𠵱家有人墊底，我哋仲安全啦。」網民Frankie Tsang直接反駁，「唔好咁諗，當件事繼續發酵，就可能蔓延到所有新移民，畢竟佢哋都係奉行白人至上，就算你係英國出世嘅有色人種都係咁！」
「見你唔同顏色 打咗先算」
部分移英港人直言，他們深感英國種族歧視嚴重。網民SH Song稱，「唔係BNO呢隻字問題，係人嘅膚色問題，D人（指騷亂示威者）喪起嚟，見你唔同顏色，話之你係唔係BC（英國公民），打咗先算。」網民Lam Angel也稱，「人哋打劫你老笠你嘅時候，會叫你攞本BNO出嚟驗明正身嗎？淨係望你個樣都知道你係Chinese（中國人）啦！」
網民SC Fong稱，自己已是英國公民，自認無須擔心，還聲稱「希望BNO人出入平安」。網民Garfield Chan秒回，「試吓行埋去，睇吓能全身而退嗎？」網民Wah Wong直言，「話明暴動咯！乜有機會比你講咩？你唔走去暴動現場問吓啲暴徒？」
也有移英港人嘲諷稱，英國的困境遠不止移民問題。網民Eric Wong戲稱，「信我啦，（騷亂）不足兩個月就平息！英國佬每周不是都要出來亂一亂，又係傳統加稅、加學費、脫歐遊行，係閒人太多！」
