偶像阿Sa壓軸跳舞挑戰 李駿傑盼與城城Battle
香港文匯報訊（記者 梁靜儀）男團MIRROR成員之一的李駿傑（Jeremy）最新派台作品《TOXIC！》挑戰高難度舞步，他亦邀請粉絲及不少藝人大玩dance challenge（跳舞挑戰），最後一擊作出挑戰的藝人是蔡卓妍（阿Sa），為大家帶來不少驚喜。
今次參與《TOXIC！》dance challenege的藝人眾多，壓軸登場的是阿Sa，Jeremy大叫好正說：「自己以前都會成日聽阿Sa同Twins嘅歌，所以今次透過熟人問阿Sa可唔可以一齊玩，佢好好，應承參與呢個challenge，能夠同偶像團體前輩玩呢件事係好有意思同好正。」
除了一眾藝人外，不少fans也有參與dance challenge，Jeremy很感謝大家的參與，而今次的舞步有點難，他準備了簡單版、正常版及超難版讓大家去揀，他說：「去到後尾同歌手朋友玩嘅時候再簡化啲，令到就算跳舞冇咁叻嘅都可以一齊玩，所以最終有4個版本。」
同期出歌的還有盧瀚霆（Anson Lo），但今次二人未有互相參與dance challenge，Jeremy解釋道：「我同阿Lo成日玩cover，我自己都有問佢諗住一齊玩，但一齊做嘢嘅時候時間都一定好緊，冇乜時間可以去做呢件事，希望將來有時間玩啦。」Jeremy更期待有機會跟郭富城一齊跳dance challenge，他說：「跳舞梗係一定要有郭富城啦，佢真係好出色嘅跳唱歌手，好想同佢合作。」
