李德能熬夜評述流鼻血 感謝李慧詩貼心照顧
香港文匯報訊（記者 阿祖）奧運賽事進入最後一個星期，HOY TV各專業主持及評述繼續緊守崗位，直擊各大賽事，日前資深體育評述李德能，於完成評述田徑男子100米決賽時，突然流鼻血，但李德能仍然笑言太刺激，表現相當專業。之後李德能和李慧詩接受訪問時就表示感謝各界關心：「其實賽事嚟到第十日，接近通宵嘅時間都有三日，老人家講積埋積埋啲虛火嚟嘅！到咁上下都要爆一鋪㗎喇！哈哈哈！」而在流鼻血的那一刻，李德能就覺得現場溫情洋溢：「當時首先要保持鎮定，但係原來流鼻血真係唔停就係唔停，嗰一刻唯有老實咁同觀眾講，係呀！我流緊鼻血呀！希望大家唔好見怪囉！」
對於連日來捱夜做奧運直播，李德能感謝李慧詩（Sarah）的照顧，還即場大晒Sarah送給他的貼心喉糖。而Sarah亦好關心對方：「真係要叫德能兄（李德能）老婆煲啲夏枯草畀佢清吓熱啦。但係我好想多謝喺巴黎嘅工作人員，雖然唔係人強馬壯，但係都帶畀我哋好多最新嘅資訊。成個團隊很努力、運動員亦很努力，我成日都好驚拖累大家，好多謝大家喺我講話甩嘴嘅時候幫助我。」
葉姵延最後一日做HOY TV評述，她都表示很不捨：「我為HOY TV都做過三次評述，開心見到現在奧運熱比自己打波時熱烈好多，我都覺得好開心！好激動！」
