歐陽靖望囝囝勿忘母語
香港文匯報訊（記者 梁靜儀）久未在港露面的歐陽靖（MC Jin）現身新城廣播，接受由薛家燕、范振鋒和思敏主持的《開心大派對》訪問，相隔六七年後再見家燕姐，他表示感到相當興奮，因兩人有段淵源：「重點唔係有見冇見，重點係每次見到家燕姐，會有好多回憶，我記得公布我同太太嘅喜事，係同家燕姐的一個公開活動，當時我話『我囝囝就嚟來臨』，𠵱家我大仔都12歲，細仔都5歲。」
談到一家四口在美國生活，他透露在家中堅持與兩個兒子講廣東話：「在家中我哋都係講廣東話，但出到門口就講英文，始終在美國生活。希望囝囝長大後都會講廣東話，因為始終是我的母語。」近兩年放暑假他都會帶兩個囝囝去上海的迪士尼樂園玩，他大爆最搞笑的是囝囝見到米奇老鼠講普通話，感到很驚訝，問他米奇老鼠點解會講普通話？他笑說：「我就話佢地（卡通人物）好叻，識好多語言，仲識日文同法文。」
