關曜儁囝囝出世 撞正江旻憓奪金
關曜儁去年與圈外女友楊韻璇結婚兼誕下女兒Lorraine，前日他在社交平台宣布老婆誕下兒子Torres，成功湊成「好」字。他透露27日晚上工作至11時許回家，原本打算與老婆一齊欣賞江旻憓比賽，豈料凌晨一時許老婆開始作動，於是急急趕往醫院，老婆未打無痛分娩針便要入產房誕子，由於老婆超級怕痛，他只好捉實老婆的手安慰，最後老婆順利誕下兒子，令他感到母愛偉大。
對於囝囝出世撞正江旻憓奪金時刻，關曜儁接受傳媒訪問時笑言：「太太生緊嘅時候，直情係佢（江旻憓）打緊嘅時候，我哋就喺產房搏鬥緊，感覺就係全香港嘅人支持緊江旻憓，間接又好似好多人支持緊我哋一家人！我都想望子成龍，如果個仔以後做到啲嘢為香港人爭光就好喇，希望佢可以成為一個有影響力嘅人！」
