群星齊撐江旻憓 Aka插畫恭賀
連翊希收「世一」飛吻 送心回敬
本港不少市民昨日凌晨捱眼瞓見證「劍擊女神」江旻憓（Vivian）奪金，多位圈中人亦有欣賞賽事，並於社交平台留言恭賀，前女子組合Super Girls隊長趙慧珊（Aka）更親自繪製Vivian的插畫，獲網民讚最有心思！
江旻憓昨日於女子重劍決賽贏得香港歷史上第三面奧運金牌，雖然賽事於香港凌晨3時半舉行，依然吸引不少圈中人收看，包括Aka、戴祖儀、謝東閔、洪永城、湯洛雯、MIRROR成員姜濤、呂爵安等。Vivian奪金一刻，各人即於社交平台留言恭賀，當中以Aka最有心思，上載親自繪製Vivian的插畫，輕易吸引網民瘋狂畀Like！至於2016年為無綫到巴西採訪奧運的麥明詩，上載與Vivian的合照及留言：「看着你止於16強、經歷兩次傷患後到2024年，絕地反勝，奪得奧運金牌，心態、堅持，Congratulations！」
另外，身為Vivian隊友兼為無綫專業評述的連翊希（Coco），在錄影廠直擊Vivian奪冠後心情激動，一度開心到眼紅紅！Coco說：「我哋唔喊嘅，真係超級感動！我相信全香港市民，唔止我，都係十分之感動，因為見到Vivian咁多年嚟一路一路咁進步，無可否認由2016年開始，大家已經睇好佢攞獎牌，但就成日好似爭少少。作為隊友，大家都戥佢心急同緊張，但見到嚟到2024年，巴黎奧運今次終於圓夢喇！」
估中Vivian想食士多啤梨
頒獎禮後，Coco即時與「世一」Vivian隔空連線對話。Coco問Vivian有否Enjoy比賽？Vivian竟Sweet爆表示：「場地係你鍾意嘅紫色，好靚呀！」問Vivian回到選手村第一件事會做什麼？她說：「我要食士多啤梨！」由於Coco事先已猜到Vivian會食士多啤梨，其他主持即讚Coco很了解Vivian。Vivian說：「好多謝你送畀我嘅士多啤梨花同埋祝福。」然後對着鏡頭狂派飛吻，Coco則以心心手勢回敬，畫面十分有愛。
