老友支援準備
■ 老友必戒的五句話
1.「嘩！得X分，咁威！」「你study leave溫乜㗎？考成咁嘅！」（避免說笑）
2.「嘩 ! 你有無溫書㗎！」「你咁嘅成績，有咩打算呀？」（避免奚落、教訓）
3.「媽媽話我考得唔錯，送部手機畀我！」「我無乜讀書都攞晒5*喎！」（避免主動提及獲得的獎勵和慶祝活動）
4.「X 同學平時成績無你咁好，竟然考得好過你，真係戥你唔抵！」（避免比較）
5.「你報 X，Y，Z 學校啦 ! 報重讀、遙距課程都可以！不如都上埋勞工處搵工啦！」（避免倉促和太多建議）
■ 老友必學的五招
1.給予鼓勵
「條條大路通羅馬，我同你一齊諗掂佢！」
「阿 X（名人）會考都係 X 分咋嘛，而家咪又係咁有成就！」
2.讚賞長處
「考得唔係咁好，唔等於你無用，只係代表你喺呢方面無咁叻啫，你啲畫畫得好靚 / 運動好勁 / 人品好好，好肯幫人 / 好孝順，好多嘢都好好。」
3.陪伴、聆聽、給予空間
不用喋喋不休地提供各種的解決方法，宜給予時間和空間，多陪伴同學，耐心聆聽他們的需要，讓他們抒發自責、失望、憂慮等負面情緒，也讓同學慢慢接受事實和平復心情。
當同學哭泣時，我們可能會感到不知所措，但不用害怕，不妨讓他們放聲大哭一會，我們只需遞上紙巾讓同學拭淚，輕拍肩膀數下，靜靜地陪伴着他，便已經足夠了。
4.表達關心
「我知你好擔心同心急，但都要小心，我哋逐樣嚟啦！」（同學可能非常焦躁和趕忙去報不同的學校）
「我好多嘢都未必識，但若果你想搵人陪 / 傾偈，隨時都可以搵我！」
「你已經辛苦了一整天，今晚回家早點休息，我們明天再作打算！」
「一齊打場波 / 看電影鬆弛下好嗎？」（同學可能已經折騰了一整天）
5.量力而為，尋求協助
我們未必能掌握很多求學與就業的資訊，可以鼓勵同學向學校或輔導機構求助。
留意同學的情緒變化，如有需要，鼓勵和陪伴他們盡早求助。
