自言人氣不及「袁咕碌」 袁偉豪拒讓寶兒學吳若希御夫術
香港文匯報訊（記者 梁靜儀）袁偉豪（Ben）自認知名度不及兒子「袁咕碌」，並歡迎大家找兒子客串。袁偉豪拒讓太太張寶兒（Bowie）學吳若希御夫術，笑指不知吳若希與老公前世誰欠誰。
袁偉豪（Ben）與張寶兒昨日出席無綫育兒真人騷節目《學神爸媽Get Set Go！》記者會，節目中Ben與Bowie要接受育兒挑戰，二人即場示範為BB換尿片及沖奶粉，Ben更大爆寶兒因為是餵哺母乳，還是第一次沖奶粉，作為新手父母的二人都算手勢純熟。
寶兒工作為先不急追女
會後Ben與Bowie接受訪問時透露兒子「袁咕碌」已6個月大，但身形很強壯，有如9個月大的小朋友般，但湊他時也要小心翼翼，不可輕視。在節目預告片中Ben顯得略為「論盡」，他解釋因為要湊別人的小朋友，本身跟他們又不熟絡，而且又要跟住個節目流程，所以氹小朋友的任務就交給太太。有份拍攝的一對孖女亦有現身，問對他們又可想追多個女？Bowie笑說：「望住人哋啲小朋友都好可愛，但湊就要諗吓，個仔仲好細個湊掂佢先，如果追多個，都要問過小朋友意見，想唔想有個細佬妹，要尊重佢。」Ben就指太太的狀態剛復原，想工作先。
提到「老手媽媽」吳若希也有份參與節目，問到Bowie對方可傳授御夫術給她？Ben即代答：「唔使，Bowie會自動過濾，我就係知佢唔係咁嘅人，所以當初先我同佢拍拖。」他又笑指不知吳若希與老公前世誰欠誰。
另外，日前Ben穿上戲服抱着「袁咕碌」拍照，他否認BB有份客串劇集，只是開工前同個仔合照。不過他又稱絕對歡迎大家找「袁咕碌」客串演出：「可以搵佢做嘢，當係佢嘅助學基金，而且我暫時手頭上冇乜工作。」他又笑指兒子比自己更出名：「個個街坊都知佢叫袁咕碌，佢哋係叫我哋做咕碌阿爸阿媽。」至於寶兒就稱隨時可以復工，間中又會拍片分享育兒心得。
