扮黃德斌頭岳岳 余香凝怕出皺紋
劇透《麻甩媽咪》互換靈魂 驚模仿小動作有後遺症
金像影后余香凝與黃德斌、男團MIRROR成員陳瑞輝（Frankie）和邱傲然（Tiger）等合演新劇，余香凝「劇透」會跟德斌互換靈魂，由於要模仿對方，她要學德斌經常岳高頭的小動作，貪靚的她笑言最怕有抬頭紋！
余香凝、黃德斌、男團MIRROR成員Frankie和Tiger、女團COLLAR隊長沈貞巧（Gao）等昨日出席新劇《麻甩媽咪》拜神儀式。余香凝和德斌於劇中互換靈魂，她笑言要觀察德斌平日的小動作，以便模仿：「德斌好鍾意抬頭，搞到我好驚有抬頭紋。」德斌則稱與余香凝自電影《逆流大叔》後再度合作：「上一次合作我哋唔係太多同場，今次就真係正式合作，估唔到幾年後佢就係影后。」雖已貴為影后，但余香凝笑言：「邊度有工開就去，同埋劇本好好，都算係第一次主演拍劇，對上一次係《暖男爸爸》。」德斌大讚劇中女兒Gao非常有潛質，不用指導已演得很有女兒的感覺。
Tiger讚Gao外冷內熱
至於Frankie飾演余香凝的老公，他坦言能跟影后合作很緊張：「不過呢個係好好嘅機會跟佢學習。」劇中二人育有一名兒子，首次演爸爸的Frankie大感奇妙，可以提早嘗試做爸爸的感覺。談到愛犬早前離世，他表示花了約兩天平復心情，因為緊接着要開工。他又稱工作忙碌，暫時不適合再養寵物。
Gao和Tiger首次合作，於劇中有感情線，不過就沒有親熱戲。Tiger表示與Gao甚有默契，拍攝過程順利：「初初我以為Gao好Cool，但其實佢好好傾。」對於德斌讚Gao表現稱職，Gao笑言覺得德斌也很有自己爸爸的感覺：「喺佢嘅氣場同威嚴下，好自然成為佢個女。」Tiger則覺得自己的角色很有趣，性格單純，熱衷追求喜歡的事物。
