彈出又彈入 沙維下季續教巴塞
彈出彈入，又豈止是星爺經典電影《九品芝麻官》角色方唐鏡的專利呢！西甲勁旅巴塞隆拿主帥沙維今年一月宣布在今季後離職，近月多次強調不會改變決定，不過，經過日前在會長拿樸達家中的會面後，沙維終同意繼續留任，為球會復興計劃奮鬥，並在昨晚召開記招宣布，至少會履行他直到明年夏天屆滿的合約。
包括拿樸達、沙維與體育總監迪高齊齊出席了昨日的記招，主帥拿樸達表示：「今日我哋帶嚟一個喜訊，沙維將會留低，佢對我哋嘅大計依然充滿信心同熱情。」沙維自2021年11月接掌巴塞帥印，上季首度教足全季即拿下西甲冠軍，但今季戰績滑落，目前在西甲聯賽榜落後宿敵皇馬11分之多，上周中亦在歐聯出局。
不過，自從沙維在一月宣布季後離職，球隊戰績其實出現一段反彈，在聯賽打出10場不敗，直到上輪才被皇馬擊倒。44歲的沙維在記招上說：「我係巴塞嘅死忠粉絲，又係球會嘅人，所以要從球會角度去考慮。喺尋日嘅會議，我叫佢哋去決定我去留，我感覺到全體董事都好信任我，球員都令我覺得個計劃必須要繼續。呢個係未完成嘅項目，大家都努力緊，球迷令我明白大家要繼續努力同奮鬥。」據知，巴塞仍希望沙維能為教練團作出部分調整，包括棄用其好友奧斯卡靴南迪斯，以及另一位體能教練。
