炎明熹「型」接挑戰 預告出跳唱歌
生日周舉辦捐血及義賣日活動
剛完成3場演唱會的炎明熹（Gigi）稍作休息後，上周六出席由「炎明熹粉絲後援會」舉辦、特別在Gigi生日月進行的捐血及義賣日活動，非常有意義。對於在演唱會的精彩跳唱獲外界激讚，Gigi透露正籌備跳唱歌，更預告會以型到爆的新形象示人！
炎明熹人美心善，百忙中都會抽空做慈善。上周六她出席由歌迷會舉辦的捐血及義賣日活動，Gigi說：「今次活動由舊年7月開始籌備，當時我都未知可唔可以出席，所以好開心同歌迷一齊做善事。除咗捐血之外，我哋仲有個義賣區，收益扣除成本全數捐贈APF愛培自閉症基金，為來自基層嘅自閉症小朋友提供ABA治療，同埋為佢哋家庭提供支援服務。」
當日活動除了部分義賣精品被歌迷搶購一空，亦有約100位歌迷報名捐血，每位成功捐血的歌迷可獲贈印有卡通版的「Gi囡鎖匙扣」。原本Gigi打算以身作則捐血救人，可惜到場閱讀捐血守則時，才發現服用過中藥不能捐血，她即時扁嘴兼用「好失敗」形容自己，非常失望！
黑膠碟全城斷貨
上周六除了是後援會的慈善活動，也是Gigi人生首張實體唱片推出的大日子。為響應香港唱片店日，Gigi第一首派台歌《真話的清高》被印製成7吋黑膠唱片發售，由於是限量發行，多區唱片店外出現通宵排隊的人龍。Gigi說：「有歌迷凌晨4點開始排隊，知道呢個消息感動到起雞皮，好多謝大家嘅支持。」
活動前一晚，Gigi在社交網開Live分享開騷點滴。她坦言尾場完騷一刻激動得不斷落淚，內心非常不捨：「不過當晚都有開心嘅時刻，因為終於可以飲汽水，到第二日，因為爸爸媽媽同細妹要走，陪完佢哋飲茶送佢哋離開，我就返屋企執屋，之後打邊爐，因為做騷我會避免食濃味同刺激嘅食物。」提到演唱會跳唱環節獲外界一致讚好，Gigi收到大家的意見，預告正籌備一首跳唱歌，她說：「已經揀咗歌，但未開始錄音，因為仲研究緊點樣可以再做好啲。首歌你會幻想到有一個人、戴住頂帽喺度『撻』手指好有型，希望首歌可以做到我哋想要嘅效果，或者畀大家見到另一種風格嘅Gigi。」
