郭柏妍被爆拍劇「遊魂」
譚俊彥、李佳芯、郭柏妍、謝東閔與黃庭鋒等昨日為新劇《麻雀樂團》拜神。譚俊彥表示劇集已於3月開拍，每日在廠景拍攝逾10小時：「仲發現咗李佳芯某樣技能，就係切生果好叻，仲有擺盤，搞到個個爭住食清光，順便補充維他命C。」差不多3年沒拍劇的李佳芯稱開拍一星期已習慣，不會為收視感壓力，只專心演好角色，並與譚俊彥口徑一致表示很高興接拍這部輕喜劇。
黃庭鋒踢爆出名「遊魂」的郭柏妍會突然重提3星期前的拍劇情景，又試過建議臨場加情節增添豐富感，但他卻接不上對方的思維：「佢嘅節奏真係唔容易捉到，我仲喺度捕捉緊。」郭柏妍即否認「遊魂」，解釋經常想到另一些事，目的是希望將事情做得更好。
