英超榜首戰撐曼城
鄭兆聰 前香港足球先生、NOW Sports主持
英超周末回歸，今日主力講曼城對阿仙奴大戰，絕對是今屆英超爭霸關鍵，目前榜首三雄除分數咬緊外，今場勝負對兩軍氣勢及心理都有重大影響，也會延伸至未來比賽。阿仙奴在首循環曾經主場贏1:0，不過曼城回到主場應該可以睇高半線。
曼城主場一向強，人腳亦好，今場當然有機會復仇，但絕不會是一面倒。畢竟國際賽期影響操練次數，對戰術高的哥迪奧拿影響較大，曼城向來在國際賽後都慢熱，入球亦通常較少，面對阿仙奴難大勝。我相信曼城小勝一球，或雙方賽和，都是最有可能出現的賽果。
至於另外兩場英超，車路士主場對般尼，及熱刺主場對盧頓，都睇好主隊。車路士領隊普捷天奴目前帥位仍未穩陣，現時只要是應該贏的比賽，都會精銳盡出去爭勝，而且今仗亦有部分傷兵復出，陣容較完整，般尼恐難在史丹福橋球場搶分。
熱刺上仗負富咸表現令人失望，他們最大問題是一旦前線創造或把握機會遇到問題，就有失分危機，因為該隊防線一向欠穩。不過我覺得現居第5的熱刺，衝前4其實仍有機會，既然後有曼聯追兵，熱刺在壓力下戰意鮮明，即使上仗強陣表現欠佳，但今仗在陣容上稍作調整後，隨時會有更好效果。
