盛勁為日日食補品 麥明詩心急造人
「十優港姐」麥明詩與飛機師盛勁為（Keith）昨日在酒店設婚宴，筵開27席，同是港姐出身的馮盈盈與龐卓欣有份做姊妹，兄弟團則包括鄭衍峰與麥大力。問麥明詩是否已習慣被稱呼盛太？她笑言：「唔係好慣，好似尋日喺圍村擺酒時啲人叫我盛太，但我都唔知佢哋叫邊個，感覺好搞笑，同埋我都未習慣改口叫Keith嘅媽媽做奶奶，都係叫Auntie，但可以慢慢習慣。」
問到可有被催盡快生B？她坦言已展開造人大計：「Keith為婚禮請咗十幾日假，佢可以好好休息，成日飛對身體好有影響，咁我哋可以趁呢段時間好好造人。」Keith自爆日日食補品，麥明詩笑言：「我唔識煮飯，有咩詳情就問媽咪。生仔定生女先就冇諗，呢啲係上天賜畀我哋，不過如果打孖上都冇辦法。」
