迷信傳統 紅蟲隊鍾情左腳仔
小阿根廷人綽號「紅蟲隊」，原因是歷來以培養出大量優質球星而馳名。球會自高層、球探及教練都一直迷信傳統，特別鍾愛擅長左腳球員！相信「左腳仔」充滿技巧，而且頭腦特別靈活，更容易成為一流球星。
小阿根廷人引以為傲的自家青訓精品，就是擁有馬納當拿及列當度等正牌「左腳仔」，另一位出產明星列基美雖然擅右腳，但左腳射門卻力發千鈞！而阿根廷歷來著名頂級球星，亦包括甘比斯、美斯及迪馬利亞等，都以擅長左腳聞名。小阿根廷人近年揀選球員，首要條件就是擅用左腳，就算不是純「左腳仔」，亦必須左右腳皆純熟，現時陣中亦充斥大量純左腳球員，包括左閘羅曼維加、中場阿倫利斯簡奴、前鋒盧斯安奴干杜奧、加斯頓華朗、門將迪亞高洛迪古斯，還有邊緣球員守將辛迪亞高文迪爾、施巴斯坦比列圖及前鋒荷西靴里拉。今年一月又簽入了身高1米73的前競賽會左翼尼古拉斯奧路斯，貫徹選人宗旨。
小阿根廷人今季17個聯賽入球中，有12個用左腳射入，包括近9個入球其中8個。左腳能力不足的球員，就不必妄想加入「紅蟲隊」了。
