陳法蓉多得LOONG 9帶挈 經典角色「龍九」翻Hit
由歷屆港姐組成的慧妍雅集前晚在尖沙咀舉行成立42周年慈善晚會，陳法蓉、朱玲玲、曹敏莉、趙雅芝、翁嘉穗等盛裝出席，場面熱鬧。陳法蓉曾於電影《賭俠》飾演「龍九」，最近受《亞洲超星團》的LOONG 9帶挈翻Hit，她笑言：「《亞洲超星團》總決賽結果公布嗰吓我都唔知LOONG 9係乜意思。（你有追睇？）因為好朋友洪欣囝囝張鎬濂有份參加。」她笑指「LOONG」其實是潮語：「依家冇人講Dragon啦，好多人Send片畀我睇，知道團名係『龍年9個』嘅意思，我覺得幾特別。」
周吉佩與2007年落選港姐太太黃彥欣結伴到場，黃彥欣表示雖未成為慧妍會員，但稍後會嘗試協助會務，不排除日後入會。曾拍劇的她被問可會考慮復出幕前？她怕醜說：「應該唔會，推佢（老公）出嚟咪得囉，我派佢做代表，我主力照顧屋企嘛。」
