王梓軒監製新劇 搵泰國影帝幫拖
王梓軒昨日以大會主持及監製身份出席香港國際影視展（Filmart）2024「中劇趨勢研討 檸萌新劇盛宴」發布會，他宣布將與石祐珊首次攜手監製新劇《網內人：復仇代幣》，預計今年秋季開拍。問到會否主演？他幽默說：「有啲尷尬，若然佢哋唔揀我就係精明，揀我就係識做，哈哈！當中有一至兩個角色屬意由泰國、馬來西亞或日本演員演出，我喺會上見到泰國影帝Anada Everingham幾適合。（搵石祐珊媽媽薛家燕參演？）呢部係懸疑劇，都驚嚇親家燕姐，不過會注入少少喜劇同動作元素，就交畀石祐珊重金禮聘家燕姐參演，一個鏡頭都好。」
