數據創新猷 中鋒爭第一
AD全能表現瓣瓣掂
趁着對手木狼幾位主力缺陣，湖人中鋒「AD」安東尼戴維斯打出職業生涯最漂亮一仗，昨晨領軍在主場以120:109取勝，為湖人爭逐季後賽資格保持着機會。「AD」昨仗交出了前無古人的單場27分25籃板7偷波5助攻及3封阻的超全能成績，為挑戰當代第一中鋒金塊祖傑，增添了不少籌碼！
木狼昨仗有中鋒高拔及前鋒唐斯缺陣，中國球星李凱爾與主力蒙迪摩利斯同樣亦未能披甲，只靠安東尼艾華士獨力支撐，雖然後者亦交出25分，但始終難阻湖人獲勝。「紫金兵團」今場有「大帝」占士復出，與「AD」的雙核主宰攻守，其中占士攻入全場最多的29分，加上三名主力包括八村壘、羅素爾及奧斯甸利夫斯都有雙位數得分，湖人今場贏得輕鬆合理。
翻查資料，「AD」的超全能數據的確在NBA歷史閃耀，無人曾造出，而在只計算他的25+得分、25+籃板及5+助攻，原來聯盟史上過往都只得7人做過，令安東尼戴維斯躋身包括名將巴克利、加納特及祖傑等行列。
要挑戰現時聯盟第一中鋒祖傑的地位，即使是9屆全明星的「AD」，目前似乎仍需要有更多精彩平穩演出，但他今場的發揮經已震驚球壇。隊友奧斯甸利夫斯說：「10個進攻籃板真係癲嘅，我有種感覺係每當我哋射失，佢就會攞到進攻籃板，畀我哋第二次進攻機會。仲有個偷波，都係癲㗎，7次喎，搶晒鏡！」
湖人距第6位太陽兩場勝差
至於安東尼戴維斯亦滿意今場勝利：「對手係西岸第二，係支好球隊，就算冇咗幾個主力，都有戰術同能力去贏波，我哋只係想打出團體力量，盡力去為我哋個排名去追趕前列。」湖人賽後以36勝30負續居西岸第9，距離第6位直接晉身季後賽位置的太陽只有兩場勝差。
