古淖文唱到喊 盼名字被記住
安雅希被批拿捏感情一般
香港文匯報訊（記者 阿祖）《中年好聲音 2》於今晚播出總決賽前最終樂章第一回《八強戰！霑叔金曲永垂不朽！》。9 強選手獻唱已故著名音樂人黃霑創作的金曲爭奪8強席位，出場名單如下：《讓一切隨風》劉威煌、《抉擇》譚輝智、 《明星》古淖文、《為你鍾情》陳俞霏、《星夜星塵》陳蒨葶、《心債》安雅希、《仍然記得嗰一次》黃劍文、《忘盡心中情》顏米羔和《普通人》沈宗賢。
「大魔王」安雅希獻唱天后梅艷芳（阿梅）的《心債》，她將歌曲改編成華爾茲風格，可惜未能打動評審，肥媽說：「你擺得太多感情同咬字落去，呢隻歌其實你唱得愈簡單就會愈好，呢隻歌最緊要係歌詞，阿梅唱到好似講嘢咁，如果你明白歌詞講咩，用個歌詞意思講番出嚟，咁就贏㗎喇！」周國豐則直言：「阿梅嘅歌係好難拿捏個感情，呢隻係其中一首，呢隻歌嗰種戚戚然、乸住乸住係好難拿捏，你今日表現係一般水準，感唔感動到我哋呢？呢首唔得。」愈唱愈強的古淖文獻唱《明星》，到尾聲時一度感觸落淚，他解釋：「好想送呢首歌畀佢，佢就係呢個比賽認識嘅兄弟梁浩賢，佢離開舞台時講咗一句說話深深打動到我，佢話：『我嚟得呢個舞台，我只係希望大家記得我。』我哋企得喺呢個舞台，除咗透過歌聲感動大家之外，我哋只想有一個要求，就係希望大家記得我哋、記得我哋個名，就係咁簡單！」
陳俞霏自揭曾失聲
陳俞霏賽前接受製作組專訪，她透露 18 歲時曾經失聲無辦法再唱歌，她說： 「我18歲時已經開始出嚟唱歌，因為太過消耗自己把聲同身體，一下子身體爆煲，又哮喘又生瘜肉，搞到聲都冇埋，醫生話我冇辦法再唱歌！」俞霏自言不是認命的人，不想放棄音樂夢：「音樂陪咗我18年，我唔想冇咗，我係咁搵邊啲老師可以醫失聲，最後搵到美國一位叫 Seth Riggs 嘅人，佢係 Michael Jackson 嘅聲樂老師，揸住唔夠一萬蚊港幣飛去搵佢，我好幸運上咗兩堂課，把聲就好返！」
「中一生」獻唱致敬金庸
而今日適逢是已故武俠文學泰斗金庸的百歲生忌，製作組邀來「中一生」周吉佩、李佳、羅啟豪、龍婷、支嚳儀、顏志恒和丁文俊，獻唱多首金庸先生筆下小說改編的劇集金曲，包括《萬水千山縱橫》、《倆忘煙水裡》、《情義兩心堅》、《始終會行運》、《雪山飛狐》、《笑傲江湖》和《世間始終你好》。此 外，14 強「中二生」日前合體拍攝14強MV《隆重登場》，該版本《隆重登場》由評審之一的張佳添重新編曲，正式 MV 將於周一首播。
