姚子羚爆Seed險撞爛布景 王浩信招架不住甘拜下風
香港文匯報訊（記者 梁靜儀）王浩信和姚子羚在前晚的《狀王之王》劇集中，因金剛的女友王子涵遭強暴導致夫妻感情破裂，王浩信更被姚子羚忍淚怒摑，再嚎啕大哭大晒層次式喊功，演出搶戲。
談到子羚情緒失控場口，浩信爆料指子羚差啲撞爛布景：「嗰場戲我叫子羚盡情嚟啦，因為我都做開Gym，諗住頂得住啦，點知佢一火起上嚟將我整個人推向道門，我都嚇咗一嚇，當刻佢嘅情緒好高漲，冇理由嗌Cut㗎嘛，拍完之後我話：『你好勁喎，我後面道門差啲俾你拆咗！』」至於休妻場口，子羚一氣呵成爆喊戲十分搶焦，原來導演林子聰為了達到最佳效果，刻意安排一鏡到底拍攝手法，子羚坦言該場戲難度很高：「最大難度係喺間屋入面唔可以喊，但一出咗道門就要爆喊，好開心可以畀我一Shot落做到呢件事，唔會斷咗嗰刻嘅情緒，因為谷住好辛苦，反而爆咗出嚟係最正。」林子聰再預告結局周將越來越多洋葱。
