洪助昇百變生日造型引歡呼
香港文匯報訊（記者 子棠）洪助昇（Aiden）昨日（8日）正日生辰，粉絲特意將其生日會變成「韓式見面會」。Aiden坦言生日會當日比以往緊張，因為很多歌迷在生日會前表示會同男朋友前來，「佢哋話要畀我過吓目，唔知點解大家都當咗我係玄學大師，要我幫吓眼。當然如果佢哋兩個都支持我，我會好開心，令到佢哋情侶之間多一項活動，但另一方面又好驚佢哋當我係情敵會打我，哈哈。」亦有歌迷跟母親前來，Aiden笑言見了很多個「未來外母」，「真係『見家長』呀，所以當日自己都要得體少少，唔可以令佢哋失望。」
Aiden坦言不太了解「韓式見面會」，只知要「坐定定」，「後尾發現原來係佢哋會送一啲好可愛嘅飾物畀我，我要當場戴上。」Aiden試了許多造型，「其實真係唔知點解會有公主同香港小姐呢兩個造型，最後變咗做BL劇男主角嘅斯文敗類造型，發現大家好鍾意我做斯文敗類。而最無奈是香港小姐，其實條斜帶似港姐咋，上面係寫生日快樂㗎，哈哈。」玩猜猜畫畫時，Aiden被題目「單身狗」考起，唯有指着自己讓粉絲估答案，立即被猜中，笑言：「都唔知好嬲定好笑。」
