歌手黃淑蔓包辦作曲主唱電影歌
香港文匯報訊（記者 子棠）黃淑蔓（Feanna）最近參與第11 屆微電影「創＋作」支援計劃（音樂篇）項目，演出吳詠琪導演「專業組」微電影作品《深房 l am not alone》做女主角，為提升演技，專程跟舞台劇演員兼戲劇導師邵美君學戲，獲益良多。Feanna更為電影首次作曲，邀請SHIMICA合作最新單曲《I am All Alone》，感激她與團隊協助，成就解鎖。
Feanna說：「好開心，今次可以參與『第11屆微電影創＋作支援計劃（音樂篇）』，再次與今次微電影《深房》導演吳詠琪（琪琪）合作，亦因為今次project，我有機會出一首歌。而且係我第一次作曲，好開心邀請到我非常欣賞嘅音樂人SHIMICA一齊寫歌。我一直都好想同佢合作，所以第一時間諗到佢，立即邀請，佢爽快答應。」邀請過程順利，連創作過程都很順利，Feanna說：「第一次參與作曲我好緊張，以前我自己一個試吓作曲嘅時候，成日好擔心旋律上做得唔好，搞到個過程拖得好慢。今次多謝A&R嘅同事Viki Chan，陪我一齊去SHIMICA嘅錄音室，我哋諗到旋律就立即寫低和試唱，仲要多謝當晚幫我哋伴奏嘅Howard。創作過程中，我搵到一個平靜嘅自己。雖然之前會緊張，但以我嘅樂理知識，加上事前跟導演了解劇本，將自己對故事嘅感受放入旋律。」
