【特稿】樓面散工：有薪假 最實際
為不同餐廳做兼職樓面的劉太，因為要兼顧家庭，一直「炒散」。她昨日接受香港文匯報訪問時表示，「感覺『468』和以前『418』沒太大區別，對我們沒什麼用。」她說之所以做兼職，就是因為貪自由，隨時可以請假，「日後就算我符合468要求，要享有有薪年假其實仲要同時做滿一年，『炒散』誰會做滿一年？大家都係呢間做吓，嗰間做吓，要為一間公司做滿一年，咁不如做長工？長期服務金更加多餘，做幾個月點計？」
家庭主婦「炒散」少限制
劉太是熟手散工，時薪75元，經常在北角不同的餐廳打工，「反正餐廳長工工人請假，我就頂上，每天計糧出糧，每日做十小時又得，做三小時又得，清清楚楚，唔使等成個月先出糧。」
她直言，做長工更多限制，不太適合家庭主婦，「小朋友隨時要陪，又要接送返學，又要睇功課，寒暑假又要陪佢哋玩。」
至於休息日，她說：「長工休息日都唔計錢，出糧都係只出26日，同炒散無分別。休息無錢收，你畀我休息都無用。」
劉太對新例實施後，僱主們會否遵守存疑：「以前大把人都夠418啦，僱主邊有理會。『炒散』就係唔想煩，一清二楚。新例又好，舊例又好，都係返工前大家講清楚為準，政府條例，除非有人投訴，如果唔係都無人理。」
她認為如果保障散工權益，最有效方法是規定所有打工仔享有有薪例假：「如果規定做六日享有一日有薪假期，咁就唔同，我舉雙手贊成。其他無咩幫助。」她又贊成修例加強散工保障：「有好過無，逐步來先有進步。咁係愈多保障愈好。」 ◆香港文匯報記者 文森
