銀行call loan逼賣樓
湯文亮博士 紀惠集團行政總裁
近排天氣稍凍，跑步非常好，在做熱身時，有跑友話內地有咁多爛尾樓出現，香港雖然暫時仍然未有，但相信唔使幾耐，香港亦會出現爛尾樓，因為銀行打算向借貸比率較高的地產商call loan，令到地產商不能完成項目，令到項目變成爛尾樓。
跑友知其一不知其二，有部分香港地產商的借貸比率其實不低，如果以內地情況來推算，香港很快就會出現爛尾樓，不過，香港地產商建築中項目，有不少已經完成或者接近完成，變成爛尾樓的機會不大，而地產商手上亦持有不少收租物業，必要時可以賣走部分，財政問題是很容易解決，不過，地產商選擇等到市況較為好的時候才賣樓，令到有部分地產商借貸比率相當高，銀行不得不call loan，目的是逼地產商賣樓，並不是地產商資金不足，手上項目有可能變成爛尾樓。
鮑魚大減價官員懂就好
上星期六返工，收到老友來電，有一間經常去的名食肆鮑魚大減價，平時每位二千，現做特價每位一千。老友e張菜單給我，其實又唔係咁平，鮑魚一千，魚翅八百，燕窩六百，加埋其他，每位都要三千五，都幾貴。
食肆的鮑魚可能真係冇錢賺，或者賺得很微，但可以吸引到客人食燕窩魚翅，唔計鮑魚，每位都要二千五，除笨有精，如果香港官員識做生意就好，收少啲印花稅，多人買樓，不但差餉地租收入增加，地產商仲爭住買地，除笨有精。
