邀陳小芝回巢葉文輝升職 馬浚偉大膽改革唔裁員
香港文匯報訊（記者 梁靜儀）馬浚偉（馬仔）上星期加盟新城電台，並出任新城廣播首席營運總監，上任後積極部署優化工作， 頭炮就是邀請前新城DJ陳小芝回巢出任新城「數碼媒體及業務拓展總經理」，同時晉升現任DJ葉文輝（啤梨）為「創作總監」兼繼續擔任節目主持， 昨日馬仔聯同陳小芝及啤梨會見傳媒。
馬仔表示對新工作仍在適應當中，但都算適應得快，因自己每朝8點便回到公司，但沒強迫員工幾點返工，因相信員工會用心做好工作，但就提議員工夜晚沒必要就不要留在公司，不要將工作帶回屋企，因他覺得收工後就要好好休息，工作與休息要平衡，好希望將這個文化帶入公司。
滿腹大計的馬仔，透露公司將仍會有很多改革及新計劃，當中包括續有內部調整及工作晉升，亦會有主持人加入，不過暫時未可透露是誰，有待2月15日公司進行團拜及節目巡禮，到時才正式公布。
升職為「創作總監」的啤梨，透露在新城26年，雖然中間與新城轉為合作模式，但昨日正式轉為正職，他說：「多謝馬生賞識，佢係我伯樂，亦都多謝娘家新城，令我無論係生活同工作方面都見到曙光，（今次升職加薪？）加人工好開心！」另一位元老DJ陳小芝，亦表示多謝馬生帶她返娘家，但短期內亦不會開咪。
馬仔指陳小芝現時主力做業務拓展及新媒體方面工作，而日後新城在行銷方面則會比以往做得更主動，他說：「我哋所謂嘅改革全部都係內部增強，係開心嘢，資訊台亦會有好多新動作，（會否裁員？）我哋唔會裁員，對我嚟講裁員係一個消極的發展方法，𠵱家亦睇唔到有呢個需要，反而覺得發展最緊要，亦不會刻意加人手，覺得內部整合比較需要，搵更加啱嘅位畀同事係更重要，等大家有多啲發揮機會，自問呢個都算係小弟強項，發現每一個人嘅能力， 擺佢做啱嘅嘢，可以做多樣嘢嘅時候，佢嘅價值又增大，至於去到自然流失，就係任何企業都有。」
踏入新一年，問到公司可會加薪？馬仔表示因加入新城時，已是新一年度，所以加薪方面不是他可決定到，要待明年才想，目前要專注做好今年的節目。
