自費搞生日會饗粉絲 被封「黐總佬」 張敬軒分享社交必殺技 共贏為座右銘
香港文匯報訊 由張敬軒（軒仔）自資一連兩場招呼逾萬名歌迷的張敬軒官方歌迷生日會昨日（14日）於澳門倫敦人綜藝館舉行，大會找來軒仔的契家姐胡蓓蔚及商台DJ阿正擔任MC。Tyson Yoshi感激獲軒仔照顧，形容軒仔是「黐總佬」鍾意派錢；軒仔與歌迷玩遊戲自嘲似選妃。
生日會一開始便播放出張敬軒官方迷會（HCFC）最新會歌，由軒仔作曲的《以你命名的恒星》作為生日會的序幕，由於歌曲是專屬於官方歌迷會的年度禮物，所以歌曲不會派台、不會公開聽到。歌曲播放完後，軒仔便坐着飛船升上高空跟歌迷打招呼，而他特別揀選了《隔夜茶》、《假以時日》及《飄洋過海來看你》三首甚少唱的歌來送給歌迷，以答謝從不同城市來看他的歌迷。另外，軒仔得知很多歌迷未能到現場跟他慶祝生日，所以他特別自費，安排網上會員的限定直播，令所有官方歌迷會會員都能夠收看昨日的生日會。
生日會主題是「軒公生日 你哋大晒」，雖然這是軒仔的生日會，但其實是他氹過萬名的歌迷開心，歌迷收到這份心意後，都自發性拍了很多生日片，並於會場內播放，不過對於一些歌迷「別開生面」的祝福，經常「恥笑」fans的軒仔又忍不住「奚落」他們一番，連他的契家姐胡蓓蔚也忍不住說他「賤嘴」，全場歌迷歡呼表示贊同，十分搞笑。除了生日片，場內又播出歌迷於今年「叱咤樂壇頒獎禮」場內場外為軒仔應援片段，又剪輯了一眾歌迷向軒仔送上生日祝福的短片，看到片段後，軒仔直呼好感動。
Tyson Yoshi望變強照顧軒仔
好友林家謙、陳卓賢（Ian）、Tyson Yoshi及魏浚笙（Jeffrey）亦有拍片向軒仔送上祝福，又分享與軒仔間的小趣事，Jeffrey拍電影時，鬚根會無故地生了出來，他大讚軒仔特別留意生活上的小細節，「有一日佢話：『積肥，買咗個新鬚刨畀你，我覺得係最好用。』軒公教識咗我哋乜嘢係施比受更有福。」；Ian着軒仔要吃多點吃飽點；Tyson Yoshi則形容軒仔是「黐總佬」，「感激認識軒公呢幾年，喺無數個公關災難出現前拯救咗我好多次，呢個『黐線佬』好鍾意派錢，每次開工都塞利是畀我，感謝你咁take care我，希望有一日我有足夠強大可以take care番你，我會努力。」林家謙串嘴，「你又再次告別你嘅青春啦，同埋恭喜你又遠離我一歲啦，哈哈。我想送個創作人獎畀你， 因為聽講你走數多年，希望你新一年盡快找晒啲街數。」軒仔大叫他收聲，十分搞笑。
與歌迷玩遊戲似選妃
由於入場的歌迷都經過一番悉心打扮，而且大都以水果裝扮為主，於是軒仔便即時搞了一個「最佳衣着獎」，最後挑選了幾個「水果」坐到最前位置欣賞他演出，不過他亦不忘調侃一番。其中一隻「香蕉仔」更向軒仔送上生日利是，認真識做。生日會上，當然少不了跟歌迷玩遊戲，大會抽出十位歌迷跟有外號「皇上」的軒仔玩「爭櫈仔」遊戲，十位歌迷全部戴上「清朝旗頭」，搖身一變成為「妃子」，一眾妃子都各有特色，搞到軒仔又忍不住出口「傷人」，「大家有冇睇過真實清朝啲妃子啲樣？佢哋就係咁㗎啦。」引得全場大笑。
其間，軒仔亦有自己一些內心的分享，他直言從小到大都不喜歡過生日，主要是不想給反應，但今年很特別，歌迷會於疫情期間成立，他覺得這幾年都沒太多機會跟大家見面，「雖然今次話係免費入場，但我知道大家都好舟車勞頓，好破費，我成日諗呢啲就係我喺呢個世上享受緊嘅福氣，所以想藉住呢個birthday party見吓大家、多謝大家。」他直言希望將生日會變成一個更有意義的聚會：「入咗行咁多年我從來冇因為攞唔到獎而唔開心，或者因為對方攞到獎而妒忌。由細到大我覺得我阿媽教得我最舒服嗰樣嘢就係我好識得去替人哋開心。所以大家不妨改變你嘅信念，試吓改變你對呢啲事情嘅反應，試吓開始將『共贏』呢兩個字放入你嘅社交圈入面，好多事都做到㗎。」
