劉德華考慮做電影導演 演員必有談善言朱鑑然
香港文匯報訊（記者 梁靜儀）劉德華與談善言及朱鑑然前晚到戲院出席電影《潛行》謝票場，獲大批華仔粉絲到場支持，影片播畢時更一齊大唱片尾曲。之後華仔出場，粉絲更歡呼尖叫，又高舉橫額及燈牌，臨走前華仔主動走近粉絲握手，引起一陣混亂。
活動上，身兼電影監製和演員的華仔，被主持問到對身邊兩位新生代演員談善言及朱鑑然的看法，他笑說：「我喺圈中咁多年，只想同新人講一句，我會陪你哋一齊行，但唔好嫌棄我拖高你哋嘅平均年齡。」主持人就指華仔連顏值都會拉高。
謝票後，華仔與談善言及朱鑑然受訪，對於粉絲唱歌，華仔笑指似歌迷聚會，可能大家在期待演唱會。他又稱以往在香港很少出席謝票活動與觀眾近距離見面，近幾年才興起，而前日的馬拉松謝票，令他感覺似做回新人般。
《潛行》由華仔任監製，談善言坦言壓力一定有：「無論有冇華仔嘅場口，佢都會坐喺個鏡頭前，永遠都好細心，圍讀時又會畀好多自由度，令我印象好深刻。」
與女兒共用一部手機
朱鑑然就以劉生稱呼華仔，他說：「劉生嚴格和藹可親，佢冇階級分別，工作時似一家人。」不過華仔自爆有時會忟憎到想打人和爆粗：「忟憎時都會想打人，但身邊有記者形嘅朋友，就會叫我咁多人要收斂吓，注意形象。」他又謂做監製也不是很多事做，不會太辛苦，不及演員辛苦，加上群戲又多，各人都有自己的線，但不要怪他剪走了部分戲分。問到華仔下次可會做導演？華仔表示做完演唱會再考慮，更叫談善言和朱鑑然做好準備，一有決定就會給他們劇本。
電影故事以隱蔽的暗網犯罪有關，問到華仔平時可會限制女兒劉向蕙上網？他說：「難管嘅，但係都要管，她冇社交賬號，上課會用iPad，但冇手機，手機就用我哋嘅。」
