任達華演吳家麗兒子：要發掘神級演技
由任達華、吳家麗、吳卓羲（Ron）和張建聲等主演的新片《源生罪》，昨日於銅鑼灣舉行首映禮。談到拍攝難忘事，任達華稱莫過於跟吳家麗演母子：「吳家麗係無人能及嘅性感女神，我望住佢嘅眼神，諗番同佢喺《新紮師兄續集》飾演情侶，亦有同佢講以前『談情說愛』嘅畫面，依家唔知點演，要放低好多包袱，當自己新人，用另一種維繫家庭嘅愛，其實係好難，真係要發掘神級演技，可以放入教科書。」
40歲張建聲早前於社交平台宣布與24歲工展小姐曾加晴拍拖，他於活動上被問是否打算結婚？他坦言：「梗係想結婚啦！之前拍戲一路增磅同減肥，上年開始覺得新陳代謝比較慢，我有問自己50歲會唔會夠力湊小朋友，但唔想為結婚而結婚。當我覺得到事業穩定，真係可以照顧家人就可以。」
