重奪「最喜愛男歌手」 張敬軒似跑馬拉松
目標70歲攞「至尊歌曲」
《2023年度叱咤樂壇流行榜頒獎典禮》前晚舉行，逾百歌手到場角逐49個獎項。張敬軒憑全年唯一派台歌《隱形遊樂場》贏得「至尊歌曲大獎」，以及相隔10年重奪「我最喜愛的男歌手」。他認為10年不算長時間，就好像跑馬拉松一樣，過程不重要，最重要得獎。
張敬軒繼2014年後再奪「我最喜愛的男歌手」獎，他不認為相隔很久，並以馬拉松作比喻，認為每個人的路程也不一樣：「在我而言，10年算係一個全馬賽，過程唔重要，最重要係有獎。我視呢個獎為目標，而唔係指標，唔會認為自己攞咗呢個獎就係最受喜愛，反而覺得今次係因為有好多受喜愛嘅男歌手冇入圍，所以佢哋嘅粉絲投票畀我。」軒仔再就「以一敵四」的傳聞發表爭獎論：「我好榮幸生於頒獎禮氣氛最好嘅年代，依家大家嘅焦點喺爭獎上面，其實最後5強嘅歌手單位都係『As One』，都係樂壇一分子。我冇諗過唔再攞獎，事關唔係我嘅唱片公司文化，獎項亦係畀團隊同粉絲嘅交代；但爭氣都唔一定與人為敵，只係盡量爭取更多。今晚在場嘅胡楓同尹光就係我嘅指路明燈，如果我70歲仲攞到『至尊歌曲』就真係好有型！」他透露將與一班轉數極快的小妹妹合作綜藝節目，但講到做經理人，他說：「此生不做經理人！睇吓我個經理人有壓力肥，粒星（指自己）又唔聽話。」
李幸倪轉投英皇嗌執到寶
李幸倪（Gin Lee）去年轉投英皇重新出發，4度奪「女歌手銀獎」及歌曲獎，她受訪時被問是否沒有轉錯公司？她說：「直情執到寶！」談到失落「女歌手金獎」，她說：「我冇失望，唔理咩獎都係一個肯定，令我更有動力，只希望支持我嘅人都唔好失望。」
魏浚笙以大熱姿態奪得「生力軍男歌手金獎」，他在後台受訪時流下男兒淚！他說：「因為前一晚好似有啲身體不適，又有啲大壓力，就好似累積咗成年嘅壓力一下子出晒嚟，個感覺好奇怪，不過亦好開心。」提到他在台上多謝經理人兼女友時講「I love you」，問到是否很快結婚？他直說：「我想呀！」不過他稱尚未求婚，希望自己更努力和成熟才成家立室。
