艾馬臣預好位紋歐協聯錦標
韋斯咸時隔47年再度打入歐洲賽決賽，全隊上下都希望一圖冠軍夢。其中艾馬臣柏美尼更有望成為史上首位包攬歐洲三大錦標球員，並已預留好位紋身紀念奪冠重要時刻。
這名巴西裔意大利左閘已為前東家車路士取得1次歐聯和歐霸冠軍，若然今次奪冠將成首位包攬歐洲三大錦標的球員。他說；「我哋隊波有好多大賽球員，好似蘇馬就同我喺車路士贏過歐聯（在替補席上），賴斯就代表英格蘭闖入歐國盃決賽。」事實上，艾馬臣柏美尼身上已有兩座獎盃的紋身，他更預留左小腿後部位置予今次的獎盃，笑說：「只要係獎盃，我都有空位俾佢。」
最後他告誡韋斯咸隊友，對手同樣想拿下冠軍，費倫天拿主帥伊泰利安奴的球隊將會使用犯規戰術，因此「我哋知道呢個係戰術嘅一部分，同時只有多啲跑動，避免一對一嘅情況。」
