慶祝成為健美運動員 湯沛宜食足三餐不戒口
香港文匯報訊 曾參加多個綜藝節目的湯沛宜（Toto）轉戰香港健美比賽，更多次獲獎，於去年參加了中國香港健美總會本地大賽取得不錯成績後，更獲得中國香港健美總會致電邀請加入香港健美代表隊。
問她知道可以成為香港健美代表隊成員那一刻心情如何，Toto表示：「收到通知嗰一下真係呆咗㗎，真係完全無諗過自己可以成為一位現役健美運動員，回過神之後覺得真係非常興奮啊，第一時間同親朋好友分享呢個好消息。又約大家食Omakase慶祝，再加上聖誕節同新年節日都有同朋友聚會慶祝，食足三餐無戒口好滿足。一路食一路操練無畀自己偷懶㗎，因為今年都會繼續參加本地嘅健美賽事，以爭取更多機會代表香港參加世界各地嘅健美賽事，吸收更多嘅唔同比賽經驗。」
問到入港隊之後的訓練情況會否覺得好辛苦？Toto說：「港隊訓練唔會辛苦啊，每次同前輩一齊訓練佢哋會分享好多備賽心得同比賽嘅經歷，真係獲益良多，而且我平時一星期都會做3日運動，所以都應付到日常訓練。」又問到之後還會接娛樂圈的工作嗎？她說：「其實入咗香港健美代表隊之後都有接娛樂圈嘅工作，訓練同娛樂圈工作可以並存啊，希望之後會有機會參加類似?家Netflix大熱嘅《體能之巔：百人大挑戰》呢類型的節目，因為話題新鮮而且好有挑戰性，啱晒鍾意運動嘅我。」
