登日本THE FIRST TAKE表演 陳柏宇錄唱一Take過超緊張
![◆ 陳柏宇即興地與粉絲一同合唱。](https://dw-media.tkww.hk/epaper/wwp/20230118/TXT_JPG/b05b1.jpg)
![◆ 陳柏宇獲邀參與TFT企畫,特別選唱了《你瞞我瞞》。](https://dw-media.tkww.hk/epaper/wwp/20230118/TXT_JPG/b05b2.jpg)
香港文匯報訊(記者 梁靜儀)陳柏宇(Jason)與Harry Styles、Avril Lavigne、中島美嘉、Glay睇齊,成為首位香港歌手應邀參與日本THE FIRST TAKE演出, Jason一鏡到底錄唱《你瞞我瞞》壓力滿瀉。
Jason早前應日本著名音樂頻道THE FIRST TAKE(TFT)的邀請,前往當地以一鏡到底方式拍攝一次性錄音演出,成為香港首位登上該頻道的歌手,Jason坦言這次拍攝壓力十分大,更覺得今次是他的歌唱事業個人戰。
日本YouTube Channel THE FIRST TAKE 以捕捉音樂人一Take過演繹而聞名,成立至今已擁有7,170,000 Followers,成為日本最多人追蹤的音樂頻道,過去曾參與演出的猛人包括前One Direction成員Harry Styles、Avril Lavigne、中島美嘉、Glay、《鬼滅之刃》歌姬LiSA,以及日本現今爆紅的YOASOBI、優里及Milet等,能登上這個國際級的大舞台,絕對是對歌手的一個肯定。
《你瞞我瞞》編曲大改動
今次Jason獲邀參與TFT這個企畫,特別選唱了《你瞞我瞞》,但音樂監製Edward Chan在編曲上大幅度改動,將之成為Folk Pop Song(民謠流行樂),再加入罕見的Chord Progression(和弦進程),令歌曲有別於過去港式流行樂的編排,Jason亦作出了適當配合,他說:「我要適當地去調整聲音上嘅演繹去配合,喺收到全新編曲後,我都有不停聽不停試,去睇下有乜嘢聲音、演繹方式可以配合到整體感覺。」
從TFT的影片中可以看到,Jason一進入畫面時不禁唞大氣,戴上耳筒後擦一擦掌才開始錄音。Jason坦言在錄音前一刻他都處於極度緊張的狀態,他說:「喺香港開會傾TFT呢個Project時已經好大壓力,因為唔知實際環境,又唔知自己狀態會係點,雖則拍攝前放咗個假,但嗰個假都係就住放,唔能太放任亂叫亂食,又要有足夠休息,另外又Keep住學唱歌,令把聲保持狀態。呢種壓力同平時錄新歌係唔同,因為好少會喺咁嘅環境入面錄啲一Take過嘅嘢,起初我係唔知冇走盞位,諗住好似喺香港咁,有乜嘢可以再錄多次,但呢度就算有乜嘢蝦碌、失誤都好,都真係照出街,不過好在唔知,如果唔係我壓力更大!」
能夠成為香港首位登上TFT的歌手,Jason當然感到榮幸,但壓力之大已蓋過一切,Jason說:「今次係個人戰感覺重啲,所以都盡量唔諗咁多唱歌或者表現以外嘅嘢,只求唱出水準。拍攝完畢之後就一身鬆晒,好似開完演唱會一樣咁爽!」
而前晚Jason特別與幸運粉絲於K房聚首一堂,一同見證MV首播的一刻。難得與粉絲見面,Jason也特別唱出《我沒有》及《有天》兩首歌送給現場的粉絲,更即興地與粉絲一同合唱。