網議政事：在囚「手足」煽再搞激 「黃絲」反責道德綁架
黃絲號稱「齊上齊落」？真係信佢都傻。有還柙緊嘅「手足」日前喺獄中寫咗封信俾人擺上網，佢唔單只係信中自怨自艾，好似黃蟲入咗腦咁情緒激昂，仲要求啲出邊嘅「同路人」唔好停落嚟。不過呢，「同路人」反起面嚟都幾薄情，根本當佢黐咗線，鬧佢情緒勒索，完全唔考慮實際情況，更直言點解一定要「對得住」佢哋，話人人都為自己而活㗎啦。
fb專頁「石牆花 Wall-fare」早前貼出一封在囚「手足」嘅手寫信，呢位「手足」喺信中就提到，自己見住香港「沉淪得越來越快」，真係令佢好「心悒」，心諗點解呢個世界咁「荒謬」、究竟「黎明前嘅黑暗」仲有幾耐？
發洩完一輪怨氣後，佢就話：「我好驚大家會停落黎（嚟），可唔可以應承我唔好忘記所有發生係（喺）大家身上既（嘅）種種唔『公義』？千萬唔好因為覺得做唔到啲咩而沉默，唔好選擇接受而（）家望落『正常』既（嘅）唔正常，唔好比（畀）自己接受呢種『平庸之惡』。」
以為啲「同路人」會好感動？咁少年你就真係太年輕嘞。唔少連登仔睇完「手足」封信都向佢潑冷水。「手持午餐肉」話：「出面d（啲）『手足』上哂（晒）會、供緊樓，係『完咗』唔係『停咗』。」「前列線巴打」就話：「點止停，移左（咗）民添（）啦『手足』。」
「GOL.D.ROGER」就曲線揶揄其實黃絲都係得個講字，幫襯黃店就當買咗「贖罪券」：「我地（哋）有大大力懲罰阿布泰（黃店）同支持viu TV（被指偏黃的媒體），手足安心坐唔使擔心。」「AE社社長」亦寸道：「冇停到，轉左（咗）追mirror（黃絲視之為打倒無綫電視『大台』的樂隊組合）。」
被質疑吹雞月底上街
有唔少黃絲更鬧爆呢位「手足」情緒勒索。「回憶小子」話：「點解一定要『對得住』佢地 （哋），比（俾）佢地（哋）道德綁架……人人都為自己而活架（）啦，傻×。」「卓麗馨」更加陰謀論咁估：「梗係唔想停啦，停左（咗）咪冇（無）人入去陪佢。」
有人就聯想到，「支聯會」近排猛煽人本月30日上街，「打你老虎」就揶揄：「咁多五毛吹風530要人，睇嚟真係唔夠人。」「我愛拜登」就話：「我都好驚坐監，多謝手joke（足）幫我地（哋）送頭。」
有網民就話，如果「手足」上連登睇到班黃絲嘅留言，驚佢會失望到喊。咁又係嘅，班黃絲擺到明當自己係condom，用完就掉，相信「手足」喺監倉知道後，真係嘔血都似。
●香港文匯報記者 倪思言
