曾傲棐回母校比賽疑留力　GinLee發威取勝傷膝頭

（大公文匯全媒體 特約記者 陳惠芳）早前，Gin Lee李幸倪及曾傲棐（Arvin）開啟「學校巡迴運動比賽」，向全港學校挑機大版羽毛球，日前來到第二站，這次二人去到Arvin母校天水圍香島中學。

比賽當日Arvin特意提早到學校，原來是為了爭取時間先跟校長及老師們影相兼傾偈，隨後一眾師弟妹進入禮堂見到Arvin後，亦一擁而上爭相合照。受到師生們的歡迎，Arvin坦言十分幸福。

羽毛球賽共三個回合，分別有歌手跟學生對打、亦有歌手隊對戰學校隊，總成績將計入「龍虎榜」，巡迴比賽完結後，Gin跟Arvin便會到獲得最高分的學校唱歌表演。比賽期間，Gin十分投入，除了「食波餅」，更飛身救波撞瘀膝頭，「現在行路仲有啲痛。好開心，見到啲同學仔，可以同佢哋一齊互動，佢哋嘅反應又非常之熱情，所以我就興奮得滯，都提咗自己唔好咁搏命㗎啦。」除了因為同學們的熱情，Gin笑說懷疑Arvin有「放水」之嫌，「懷疑佢想偏幫母校，想最後可以返嚟唱歌，所以為咗公平多少少，我就出多少少力咁囉，哈哈。」

面對「指控」，Arvin未不否應，笑道：「回鄉探親點都要讓少少嘅！但係童叟無欺，我向燈火發誓淨係讓咗兩球，其他都係全力以赴㗎！」已畢業5年的Arvin回到母校進行活動，感受特別深。「好似乜都變咗好多，但係又乜都冇變。」