巴黎奧運｜師妹馬君正出賽帆船　李麗珊：希望佢盡力而為

（大公文匯全媒體 特約記者 陳惠芳）李麗珊休息一日繼續返回崗位，為HOY作奧運評述。對於師妹馬君正將會出賽帆船，爭取爭奪獎牌的機會，李麗珊就希望不要給予對方太大壓力。

李麗珊說：「因為佢而家排行第11，如果佢可以追到頭十位，就可以有爭奪獎牌嘅機會! 希望佢盡力而為，唔好畀太大壓力佢。」   

講到李麗珊是社交媒體絕緣體，她就笑言是身教：「一來我對於社交媒體冇太大嘅興趣，亦都想過返一啲私人嘅生活，二來我係希望身教，因為如果我都冇呢類社交媒體，兩個囡囡就冇藉口話，你都有啦! 我點解唔可以有! 」講到很多運動評述員收到善意和惡意的批評，李麗珊就表示善意批評應該要虛心接受，惡意的就不用理會。

香港乒乓球運動員吳嵐穎（Venus) 今年亦擔任專業評述，對於香港兩位代表於乒乓球賽32強止步，Venus就表示他們兩個表現好好：「其實朱成竹及黃鎮廷已經發揮應有嘅水準，兩位面對嘅都係日本同埋中國國家隊嘅高手，壓力都唔少! 」