![](https://dw-media.tkww.hk/dams/share/image/202407/30/66a89f87e4b05e12380676dd.jpg)
(大公文匯全媒體特約記者 陳惠芳 報道)「香港劍神」張家朗和「港隊女飛魚」何詩蓓在巴黎奧運合力為香港體壇締造歷史。張家朗出戰男子花劍決賽,對手是意大利選手Filippo Macchi。家朗於決賽開局頭五秒已成功率先連搶兩分,之後二人陷入激戰,更數度於4分、5分及10分時出現平手情況,最終首局家朗以11∶10暫時領先。第二局開始後,二人於11分及12分再度打成平手,比賽節奏相當明快,之後意大利選手連奪2分,令家朗陷入逆境戰。最終,家朗穩定住情緒成功連追兩分於14分再度平手,最後家朗「決三劍」以15∶14勝出,成功衛冕奧運男子花劍個人賽金牌。
![](https://dw-media.tkww.hk/dams/share/image/202407/30/66a89e12e4b05e123806764f.jpg)
家朗勝出奪金不久,無綫特派專員何振然問到家朗連續兩屆創造歷史感受,尤其最後一分別具爭議性時,家朗說:「當時都覺得可惜,每次都覺得係自己,教練都係後面提醒我,唔好理嗰劍,係你又好,唔係你都好,Focus喺下一劍到,所以我就照教練所講咁做。」
何振然再提及港隊現時有兩金一銅的佳績,問家朗之前見到江旻憓(Vivian)奪金是否為強心針時,家朗說:「好開心,佢一直都好努力,見到(港隊)劍擊成績一直有進步,對我嚟講都係強心針,我都要盡自己全部能力打到每一劍。」何振然訪問中又提及家朗全家現身巴黎支持家朗,問到家朗有什麼說話對家人說,家朗笑言要將金牌送給到場支持他的爸爸:「送個生日禮物畀佢(爸爸),因為佢都係前幾日生日,起碼喺佢哋面前冇丟架!」並感激全港觀眾捱夜支持:「好多謝大家捱夜支持,聽日返工都仲睇我,好多謝大家,希望我冇辜負每一個人嘅期望。」
![](https://dw-media.tkww.hk/dams/share/image/202407/30/66a89ff1e4b05e1238067700.jpg)
另一位特派專員方力申(小方)在何詩蓓領獎後進行訪問,何詩蓓坦言:「我知道呢場比賽(成績)會好近,澳洲實力真係好強,佢哋幾個月前先破咗世界紀錄,我知呢場比賽唔會容易,我嘅強項係Easy speed,所以我盡量一開始遊快少少,以一個輕鬆速度去遊,我知道澳洲選手通常會喺最後50米會搏盡衝番上嚟,我知道最後25米唔可以放棄,耷低頭好快咁去遊,睇下邊個可以最快掂池,雖然時間比我想像中慢少少,但係攞到銅牌我都好開心,同埋現場見到好多香港區旗,好多港人嚟咗呢度睇我比賽,我屋企人都喺現場,令我感受到大家嘅支持同埋好開心。」何詩蓓又感激身在香港的觀眾捱夜支持:「好多謝大家嚟緊呢兩個星期要捱夜睇比賽,好多謝大家支持,我呢幾日比較少上Social Media,睇唔到大家嘅Message,但係我收到大家嘅愛同埋支持,希望大家繼續支持香港運動員,我哋好努力為大家比賽,希望大家都可以支持我哋。」
![](https://tkww-static.tkww.hk/content/contentDetailHKTKWW/like.png)
![](https://tkww-static.tkww.hk/content/contentDetailHKTKWW/picture-white.png)