頂檔吳若希　李龍基月底開騷

（香港文匯報記者 梁靜儀）李龍基（基哥）將於本月21日假旺角麥花臣舉行一場演唱會，昨日舉行記者會公布詳情，好友李麗霞（黑妹）等亦有到場支持，兩人見面即來個擁抱，更以兄妹相稱。相隔9年再舉行個唱，基哥表示好多謝吳若希（Jinny）:「其實個檔期本身係搵佢做嘅，但佢要返內地拍戲，所以佢主動打畀我，問我有冇興趣頂咗個期， 橫掂𠵱家咁嘅心情 ，做吓嘢就relax啲，（同Jinny好friend ?） 本身唔係太friend ，我同佢冇合作過，不過我出事 （指未婚妻王青霞（Chris）有事），佢成日都有傳短訊問候我，叫我唔好唔開心，加上我哋有共同朋友。」他又指之前開騷都係雜錦騷，今次就可以過足歌癮，唱足30幾首歌。可怕開騷時會喊？他說：「會控制住，因為唔想帶不安情緒畀觀眾。」

另外，談到他似對澳門演唱會名《風繼續吹，女繼續追》有意見，他直認不諱：「好似講到我好花弗咁，但之後又諗深一層，個名可以吸引眼球，所以照去， 有時係需要少少突破，我又覺得啲人唔會因一兩句話而影響對我嘅印象。」

（來源：香港文匯報B07：娛樂 2024/07/04）