移英港人估酸雨令英國人禿頭　網民：威廉王子真係表表者

大公文匯全媒體報道：聽過不少移英港人擔心脫髮的問題，近日有移英港人就話自己「大鄉里出城」，見識到陰晴不定的天氣，之但係英國人唔會帶傘，所以樓主相信「酸雨令佢哋禿頭」。有網民留言笑指，「禿頭……威廉王子真係表表者」、「禿頭係因為硬水……」。

該名移英港人在社交平台列出多項在英國的生活感受，排首位就是一個「貴」字，仲形容是「好×貴」；其次是有關天氣問題，指「見識到落完雨10分鐘後晴天，再10分鐘後落雨，但英國人唔怕凍，3~12度都着短打，英國人唔會有傘，相信酸雨令佢哋禿頭」。

樓主又指英國成日塞車，「塞完巴士又改道，行路好過」，而且行路又真係行到好大部分景點。樓主笑指英國好大風，唔使gel頭，英國人亦冇咩打扮。

不過，樓主亦覺得英國多元化種族和友善，適合退休生活，話有好多公園，食飽行吓都開心等等。