（香港文匯報 記者 梁靜儀）陳豪、馬國明、黃宗澤（Bosco）、羅子溢、洪永城、吳啟華、蔡潔、陳瀅及劉穎鏇等人，前晚到九龍灣出席邵氏劇集煞科慰勞宴，其中陳豪更被瘋狂集郵，場內有不少人排隊與他合照，他亦來者不拒，相當親民。
曾傳過緋聞的黃宗澤（Bosco）與蔡潔，第8度合作終於飾演一對，Bosco更直呼蔡潔做老婆：「之前唔係演敵對，就係朋友，經過7部磨練之後終於做一對，不過係好悲慘的故事。（冇得親？）有得親，咁靚女仔有得親當然親啦！因為大家太熟，拍攝時冇尷尬。」他又透露今次是為一個女人喊得最多的一次，因為戲中他們要經歷生離死別，對於「因為佢要死，對於『愛妻號』嘅我失去老婆的確好慘。」蔡潔笑指自己在劇中的功能就是搞喊Bosco。Bosco即笑說：「雖然要喊，但都保持有型一面，唔可以畀阿峯（林峯）Chok晒。」
蔡潔又大讚Bosco是個很好的前輩，對方今次的角色不單止很難演，還有不少打鬥動作戲，作為女性好鍾意Bosco於劇中為她孭手袋及流淚，估不到他喊到如此多。Bosco指拍該場喊戲是流真眼淚，因為個劇本寫得好好。他又預告「老婆」今次會有更突破的性感演出，不過劇情跟他無關，他都在想能否播出街。問到可擔心會再傳緋聞？她說：「都傳過，再傳都傳唔到啲咩。」蔡潔笑言拍完這套劇後，取代了宣萱的「被綁架專業戶」。
子溢爆洪永城愛睇老婆吻戲
洪永城（Tony）表示劇中首次飾演一個非常無良的人渣律師，要講喪盡天良的對白，主要跟林嘉華多對手戲，跟飾演重案組人員的羅子溢只得一場對手戲。子溢笑指Tony的角色跟真人有很大反差，都很期待。
Tony早前看過老婆梁諾妍於劇集《家族榮耀之繼承者》與羅子溢的親熱戲後呷醋，前晚兩男同場，Tony即扮嬲笑說：「我咪搵返佢老婆囉！」羅子溢即踢爆Tony扮嘢：「洪太話佢老公好鍾意睇，拍嗰時佢又叫我哋放盡啲，𠵱家又扮嬲，扮晒嘢，奇怪佢有啲咁嘅癖好？」Tony指當日睇完劇本後，知道二人會有激烈動作，但當時太太剛懷第2胎，還未能公開，有子溢照顧他的老婆好放心。不過Tony就搞笑說：「不過女兒出世後，我傳張相畀子溢，奇怪隻眼同胸肌咁大？」笑問Tony會否希望報復，找機會跟子溢太太楊茜堯拍親熱戲？Tony即答：「梗係想啦！排吓隊先啦！TVB有好多人排緊。」子溢就笑言自己都在排隊中。
吳啟華讚陳瀅演技有進步
Tony被問到會否限制太太演情慾戲？他坦言不會設底線。子溢就搞笑提醒Tony，他自己也是演員，留條後路給自己，方便下次拍演情慾戲時可去盡些。Tony即隔空對老婆說：「冇底線，去吧。」之後二人又搭膊合照，不過Tony繼續扮嬲，搞鬼地「斜睥」子溢。
吳啟華與陳瀅第二度同劇演出，啟華表示今次二人唯一一場戲，就是他被陳瀅拘捕。啟華讚陳瀅在演《家族榮耀之繼承者》時進步咗好多。問到若有機會再合作想飾演什麼角色？他即表示當然是父女。身旁的陳瀅則笑指演姊弟也沒問題。另外，每次拍劇都會整蠱同劇演員的陳瀅，指吳啟華沒有中招，但其他人都有中招，稍後就會將片段放上社交網分享。
（來源：香港文匯報B09：娛樂 2024/06/05）
